البنت:بقولك يا مز الواد حازم عاوز يجي يقابلك؟
الوالد:قوليله يحنن
البنت:لا فهمتني غلط ده عاوز يناقشك فقضيه جوازنا....تعبنا بقي من المشي سوا
الوالد:طب قوليله يفوت علينا بعد العشا علي ما ارجع مالجيم واشهيصلي شويه
البنت:فل عليك يا حج
الوالد:مرحبا يا حازم.عاوز ايه؟
حازم:انا كنت جاي انول الرضا وجايب معايا الحاجه نطلب ايد ورجل ضناك
الوالد:لا ده موضوع عميق طب انزل بالامكانيات وانجز...ها
حازم:طب ما تاخدش الموضوع علي صدرك اوي كده ليجيلك زبحه
الوالد:خفه زي ابوك .عندك فيلا ياض؟
حازم:انا لسه بكون نفسي يا عمو زي بقيه الشباب يعني يدوب معنديش الا شقه عالنيل بس ان شاء الله ربنا يقدرني وانغنغها بقصر بس انت قول يارب
الوالد:قشطه عليك ده شكل القاعده هتحلووالغزاله رايقه...يا ام ندي هاتيلنا 2 سفن وطقم كمنجات يطرو القاعده
الوالد:قولي يا نايتي طبعا مجهز الشقه دي من مجاميعه من اول قشاره الليمون لحد الحله اللي بتطبخ الرز لوحدها شيطاني
حازم:شور يا نجم
الوالد:انت عامل بسين فالشقه يا مهند؟
حازم:لا يا اونكل لا عامل بسين ولا بصاد احنا لو حبينا ناخد غطس هناخده فالنيل وبعدين مهند ده بقي قديم اوي ده من ايام نينا وعماد حمدي انت مسمعتش عن مايكل؟
الوالد:ربنا يشفيك.....انت بتشتغل ايه يا واد؟
حازم:دكتور فاكبر شركه ادويه فمصر يا عمي
الوالد:شحات يعني طب ومالك جاي نافش ريشك اوي كده يبني المحاسبين دلوقتي هما اللي واكلينها والعه انتو بقيتو موضه قديمه
حازم:كل شئ قسمه ونصيب بقي يا كافر
الوالد:انت امك عايشه اسم النبي حارسك وصاينك وضامنك ؟
حازم:امال الحته اللي قاعده جنبي دي ايه ايجار مثلا؟
الوالد:يا حبذا لو كانت قابلت وجه رب كريم كانت ريحت البت من قرف الحموات ...ربنا يديكي طوله العمر يا حاجه
حازم:يعني اقتلهالك مثلا عشان ترتاح
الوالد:لا يالذيذ سيبها دلوقتي وهنشوف موضوع القتل ده بعدين المهم دلوقتي انت معاك كام مليون فالبنك؟
حازم:مليون واحد للاسف بابي كتبهولي وانا بسنن
الوالد:ههههههههههه انت تمزح معي يابني اليس كذلك؟
حازم:مرحي يا هاشم ....بلي انه الواقع المرير
الوالد:مخك قوم العب بعيد يا شاطر انتا بامكانياتك دي يدوب تتجوز البت سها بنت البواب عرفي دلو رضيو بيك
حازم:يا عمي يا حبيبي انا مقدرشي اعيش من غير بنتك دنا قربت اخدها فمحاليل من كتر العشق بعدين انا معلم عليها بقالي اكتر من 7 سنين يعني محدش فالحته هيقدر ياخدها مني ها ...ياكل معاك الجو ده ولا ايه؟
الوالد:لا اذا كان كده معلش.....طب ناخد راي المزه
"بت يا ندي تعالي الله يحرقك زمانك تعبتي من الوقفه ورا الباب يا شابه"
ندي:خير يا جميل
الوالد:انتي هتصيعي يابت منتي عارفه الخلاصه..ايه القول؟
ندي:بيييييييييييس
الوالد:يا بنتي ما نرفضه ده عامل زي الكلب الاجرب وملحوس كمان وعاملك نفسه شاين وورد وهو ميفرقش عن الميكانيكي غير الدوجلاس ولاوشه ...وشه يا ندي دايس عليه قطر فرنساوي اسباني سريع
ندي:بقولك ايه انت هتصدعني منا حافظاه هو انا اول مره اتفاجئ بيه هنا قولتلك عاجبني وداخل دماغي
حازم:يغمز للولد ويطلعلو لسانه اللي واخدلو 4 غرز فطرفه ويقوله كبسه سعودي
الوالد:طالمه موافقه اتحرقو بجاز انتو الاتنين اصلا انا كنت مستني اي كلب يجي يشيل واهو جالك الوولف بعدين انا بشتري راجل واللي عاجبني فيك انك محترم وبتعرف تكلم حماك وده انا ملاحظه
حازم:يعني نقول مبروووووووك
الوالد:قول هو حد عضك فبؤك ..علي خيره الله ربنا يسعدكو ويرزقكو باطفال الانابيب ويبعد عنكو التبني
حازم وندي:اميييييييييينز يا باشا
*الدعوه عامه لكل المتجوزين يوم الخميس الموافق 50\50|2050 شوف بقي هتبقي فاضي ولا ايه النظام ....نتمني للاطفال نوما ميقوموش بعده تاني*
ـــــــــــــــــــــــــــــــــــــــــــــــــــــــــــــــــــــــــــــ
طبعا ملاحظين الاسلوب الزباله اللي تناقشو بيه في هذه الاسره البيئه وفي الزمان اللي بجد خايفه نكون عاملين كده فيه فيوم .....................................................اقعدو بالعافيه
الإثنين أكتوبر 12, 2009 5:39 pm
